जस्ट फ्यूचर्स फेलोसिप (जेएफएफ) या निंतिं इनाप

जस्ट फ्यूचर्स फेलोसिप (जेएफएफ) या निंतिं इनाप
थःगु बाखं थःम्हं हे कने

 

 

छिके पक्का नं सिर्जनाशीलता दु जुइ, छितः न्हू–न्हूगु ज्ञान सयेके मं दु जुइ, छि न्यायया पक्षय् नं दु जुइ । उकिं सिर्जना यायेगु, न्हू–न्हूगु ज्ञान इनेगु, न्यायपूर्ण भविष्य दयेकेगु ज्याय् छिलिसे सहकार्य यायेगु जिमिगु बिचाः दु । जिमितः जात–व्यवस्थाबारे न्यने मं दु, जात–व्यवस्थां क्वत्येलाः तःपिं मिसापिनिगु कला व सीपबारे थुइके मं दु । अले, छिक्पिंलिसे जानाः न्यायया आशा ब्वलंके मं दु ।

थ्व हे झ्वलय् समता फाउण्डेशनं सन् २०१९ निसें ‘जस्ट फ्यूचर्स इनिसिटिभ’ (न्यायपूर्ण भविष्यया लागि पहल) न्ह्याकूगु दु । थ्व पलाः विशेष यानाः दलित मिसा वा दलित यौनिक अल्पसङ्ख्यक व्यक्तितय्गु जीवन्त अनुभव व दृष्टिकोणय् केन्द्रित दु । थ्व पलाःया आज्जु (उद्देश्य) फुक्क धइथें दलित मिसा वा दलित यौनिक अल्पसङ्ख्यक व्यक्तितय्सं कलाया थीथी माध्यमं थःगु जीवन–बाखं च्वयेगु–कनेगु सीप सयेकेगु–स्यनेगु खः । थ्व हे आज्जु कथं नेपालय् जात, लैंगिकता व यौनिकता ः जीवन–बाखं च्वयेत–कनेत बहिन–वृत्ति (फेलोसिप) सञ्चालन जुयाच्वंगु दु ।

मधेश प्रदेश धुंकाः बागमती प्रदेशय् बहिन–वृत्ति सञ्चालन जूगु दु । थ्व बहिन–वृत्ति ज्याझ्वलय् बागमती प्रदेशय् स्थायी बसोबास यानाच्वंपिं फुक्क दलित मिसापिंलिसें यौनिक व लैंगिक अल्पसंख्यक दलितमध्ये थःतः मिसा कथं पहिचान याइपिं अले नेवाः समुदाय दुने नं थःतः दलित मिसा धाइपिं छिक्पिं सकलसिनं ब्वति कया दी फइ ।

एसईई पास यानाः कला व मानविकीया ख्यलय् म्होति नं स्वदँ (३ वर्ष) ज्या याये धुंकूपिं वा साक्षरया हकय् थ्व ख्यलय् म्होति नं न्यादँ (५ वर्ष) ज्या याये धुंकूपिं इच्छुक दलित मिसांपिंसं आवेदन तया दी फइ । आवेदकं थःगु समुदायया ख्यलय् थःम्हं यानागु ज्या व उकिया महत्वबारे मोबाइल—फोनं कयाः स्वंगू (तीन) मिनेटया भिडियो छ्वयाः हयेमाः । थ्व झिंन्याला (१५ महिना) या बहिन–वृत्ति ज्याझ्वलय् नीदँ (२० वर्ष) निसें पीदँ (४० वर्ष) तकया नीम्ह (२० जना) दलित मिसापिंत ल्ययेगु ज्या जुइ । न्हूदँ २०२३ या जनवरीनिसें न्ह्याइगु थ्व ज्याझ्वलय् छनौट जुल धाःसा छिक्पिंतः लय्–लय् पतिकं स्टाइपेन्ड बीगु ज्या जुइ ।

आवेदन तयेगु अन्तिम ई : नेपाल संवत् ११४३, थिंलाथ्व, द्वादशी (डिसेम्बर ५, २०२२)  तक ।

आवेदन फारम भरय् यायेगु लिंक : https://bit.ly/3TbWv8Z वा वेबसाइट www.samatafoundation.org व फेसबुक  @Samata Foundation Nepal िय् दु। फारम भरय् यायेतः समस्या जूसा अडियो वा भिडियो रेकर्ड यानाः [email protected]  सं इमेल नं याना दी फइ । थप जानकारी माःसा ०१५९०५७१७ र ९८६९६२१२४० र ९८४४७९००९८ र ९८४७३८००७८ सं फोन याना दी फइ, इमेल वा ह्वाट्सएपय् स्वापू तया दी फइ वा समताया वेबसाइट स्वया दी फइ ।

Author